|
Լուրեր
|
|
Հայոց ցեղասպանության սրբադասված միլիոն ու կես զոհերի հիշատակը Սուրբ և Անմահ Պատարագով ոգեկոչեցին Վիրահայոց թեմի Բաթումի Սուրբ Փրկիչ եկեղեցում:
2018 թվականի ապրիլի 24-ին եկեղեցում Սուրբ և Անմահ Պատարագ մատուցեց Բաթումի հայության հոգևոր հովիվ արժանապատիվ Տեր Արարատ քահանա Գումբալյանը:
Սրբազան արարողությունը պատվել էր Բաթումում ՀՀ Գլխավոր հյուպատոս Եղիշե Սարգսյանը՝ տիկնոջ հետ:
Հավարտ հոգևոր արարողության, ներկաները դիտեցին եկեղեցու մոտ Ցեղասպանության փաստերը ներկայացնող վավերագրական աշխատանքների ցուցահանդեսը: Այնուհետև եկեղեցու բակում կանգնեցված Ցեղասպանության զոհերի հիշատակի խաչքարի մոտ կատարվեց բարեխոսական կարգ: Խաչքարի մոտ ոգեկոչման խոսքով ելույթ ունեցան Աջարիայի հայության հոգևոր հովիվը և Բաթումում ՀՀ Գլխավոր հյուպատոսը:
Ներկաները ծաղիկներ խոնարհեցին Սրբադասված նահատակների հիշատակի խաչքարին:
|
