2016 թվականի հուլիսի 15-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ «Թբիլիսիի Հայերի Վեհաժողով» ոչկառավարական կազմակերպության նախկին նախագահ (2012- 2015 թ.թ), թբիլիսահայ հասարակական գործիչ, վաղամեռիկ Դավիթ Մանուսաջյանի հիշատակի երեկոն:

Վրաստանի հայ կանանց «Շուշանիկ» միության նախաձեռնությամբ, Վիրահայոց թեմի Առաջնորդարանի, «Հայարտուն» կենտրոնի և անհատ բարերարների աջակցությամբ, 2016 թվականի հուլիսի 10-ին, Թբիլիսիի Սուրբ Էջմիածին եկեղեցու բակում տեղի ունեցավ հայկական ազգային կերակրատեսակ «Տոլմա-2016» փառատոն-մրցույթը:

2016 թվականի հուլիսի 9-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ կենտրոնի ստեղծագործական խմբակների հաշվետու համերգը, որը դարձավ խմբակների մեկ տարվա առաջընթացի ցուցադրություն: Համերգին ներկա էին Վիրահայոց թեմի հոգևոր դասը, Առաջնորդարանի պաշտոնեությունը, հյուրեր, ծնողներ: Միջոցառումն սկսվեց Տերունական աղոթքով և Վիրահայոց թեմի առաջնորդի օրհնությամբ:

Հռոմի Սրբազան Քահանայապետի այցի կապակցությամբ իրականացված բոլոր արարողակարգերին և միջոցառումներին Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի հետ Վիրահայոց թեմը ներկայացնում էին Թեմի Սամցխե-Ջավախքի ընդհանուր առաջնորդական փոխանորդ հոգեշնորհ Տեր Բաբգէն վարդապետ Սալբիյանը և Առաջնորդի օգնական հոգեշնորհ Տեր Խորեն վարդապետ Հովհաննիսյանը: