საქართველოს სომეხთა ეპარქიის ახალგაზრდული განყოფილების საქმიანობის ერთ-ერთი პრიორიტეტული მიმართულება ახალგაზრდების ცოდნის გაფართოებაა, საქართველოს სხვადასხვა რეგიონში მდებარე  სულიერი და არქიტექტურული ძეგლების შესახებ.  ამ  მიზანს ემსახურებოდა  2017 წლის 23 ნოემბერს, საქართველოს სომეხთა ეპარქიის ახალგაზრდობის საკითხთა განყოფილების  ინიციატივით   მოწყობილ შემეცნებით ვიზიტს კახეთის რეგიონში მდებარე დავით გარეჯის სამონასტრო   კომპლექსში.

ახალგაზრდები გაემგზავრნენ დილით ადრე ავლაბრის „სურბ ეჯმიაწინ“ ეკლესიიდან. ორმოცამდე ახალგაზრდას ეკლესიაში დახვდა „სურბ ეჯმიაწინ“ ეკლესიის სულიერი მოძღვარი ღირსი მღვდელი ვირაპ ღაზარიანი. ერთობლივი ლოცვის შემდეგ  მამა ვირაპმა ახალგაზრდებს გადასცა საქართველოს სომეხთა ეპარქიის წინამძღვრის,  მისი ყოვლადუსამღვდელოესობის, ეპისკოპოს  ვაზგენ მირზახანიანის მამობრივი კურთხევა და კეთილი სურვილები, ასევე  კეთილი მგზავრობა უსურვა ახალგაზრდებს.

ახალგაზრდების ჯგუფი,  განყოფილების დირექტორის, ვალერი ბადალიანის, დიაკვან გევორგ ანტონიანის და კოორდინატორ ნინა სეროპოვას და ოპერატორ გევორგ პოღოსოვის თანხლებით, გზას გაუდგა სამონასტრო კომპლექსისკენ.

შემეცნებით ვიზიტში მონაწილეობდნენ ეპარქიის ახალგაზრდობის განყოფილების ინიციატივით ჩამოყალიბებული მოხალისეთა მომზადების კურსების პირველი და მეორე კლასების მონაწილეები, რუსთავის „სურბ გრიგორ ნარეკაცი“  საგანმანათლებლო, კულტურული და ახალგაზრდული ცენტრის აქტივისტები და თბილისის სომეხი ახალგაზრდების წარმომადგენლები.

შემეცნებითი ვიზიტი ნამდვილად იქცა მომლოცველობად მე-6 საუკუნეში აგებულ დავით გარეჯის ქართულ სასულიერო ცენტრში.   მიუხედავად   ციცაბო აღმართისა და ძნელად   გადასალახი გზისა, ახალგაზრდებმა დალაშქრეს აღმართი, დიდი ინტერესით დაათვალიერეს  სხვადასხვა  მღვიმეში მდებარე სამონასტრო კომპლექსის ყველა ნაგებობა, და მეხსიერებაში წარუშლელად დაიფიქსირეს უძველესი    მონასტრების საოცარი სურათი.

დღის ბოლოს სასულიერო ძეგლთან აღავლინეს საუფლო ლოცვა, რის შემდეგაც მაღალი განწყობით და ახალი ინფორმაციით გამდიდრებულნი დაბრუნდნენ თბილისში.

ქართული სასულიერო ძეგლებისკენ საქართველოს სომეხი ახალგაზრდების  შემეცნებით ვიზიტტებს უწყვეტი ხასიათი აქვს  და პერიოდულად  ეწყობა.