წმიდა გრიგოლ განმანათლებლის შვილების და შვილიშვილების - არისტაკესის, ვრთანესის, ჰუსიკის, გრიგორისის და დანიელის ხსენების დღე
არისტაკესი გრიგოლ განმანათლებლის უმცროსი ვაჟი იყო და ძალიან ადრეულ ასაკში შევიდა სამონასტრო ცხოვრებაში. იგი ხელდასხმულ იქნა ეპისკოპოსად მამამისის მიერ. 325 წელს მონაწილეობა მიიღო ნიკეის პირველ მსოფლიო კრებაში. მამის სიკვდილის შემდეგ გახდა პატრიარქი. მოკლულ იქნა 333 წელს მეოთხე ჰაიქის არქერაიოს მმართველის მიერ, მისი გამოუსწორებელი ქცევის კრიტიკისათვის, დაკრძალულია დაბა თილში.
ვრთანესი განმანათლებლის პირველი ვაჟია. დაოჯახებული იყო, ჰყავდა ორი შვილი, გრიგორისი და ჰუსიკი. ძმის გარდაცვალების შემდეგ დაიკავა პატრიარქის ტახტი. მიუხედავად იმისა, რომ სომხეთში ქრისტიანობა იყო დამკვიდრებული როგორც სახელმწიფო რელიგია, მაგრამ ბევრგან ჯერ კიდევ არსებობდა ძველი რწმენა. ამ მიზეზით, ვრთანეს პატრიარქი ყოველწლიურად ტარონში დიდ დღესასწაულს მართავდა კერპთაყვანისმცემლობის თანდათან აღმოფხვრასათვის. ვრთანესი გარდაიცვალა 341 წელს, დაკრძალულია დარანაღიაც დაბა თორდანში, განმანათლებლის წმინდა ნაწილებთან.
გრიგორისი ვრთანესის უფროსი ვაჟი იყო. იგი მეზობელ წარმართ ერებში ქრისტიანობას ავრცელებდა. იგი აწამეს მაზქუთების სანესან მეფის ბრძანებით, რის შემდეგაც დიაკვანებმა იგი დაასვენეს არცახის დაბა ამარასში, სადაც 489 წელს ალბანეთის ვაჩაგან მეფის მეფობის დროს წმინდანის ნაწილებზე ააგეს სურბ გრიგორ ეკლესია. ჰუსიკი ვრთანესის უმცროსი ვაჟია, დაქორწინებული იყო ტირან მეფის ქალიშვილზე, ჰყავდა ორი შვილი პაპი და ათანაგინე. 341 წელს იგი არჩეულ იქნა პატრიარქად. ტირანს სურდა ეკლესიაში იულიანეს გამოსახულების განთავსება, რასაც ჰუსიკ პატრიარქი შეეწინააღმდეგა, რის გამოც იგი აწამეს. დასვენებულია თორდანში. დანიელ ასურელი ეპისკოპოსი ჰისიკ პატრიარქის სიკვდილის შემდეგ მიიწვიეს პატრიარქად, პირველივე შეხვედრაზე მან მკაცრად გაკიცხა მეფე, ჰუსიკ პატრიარქის მკვლელობისთვის, რის გამოც მეფის ბრძანებით მოკლულ იქნა. მისმა მოწაფეებმა მისი ცხედარი დაკრძალეს ჰაციაც დრახტ მონასტერში.
აღნიშნის თარიღი
12.07.2008
01.08.2009
24.07.2010
05.02.2011
28.07.2012
20.07.2013
08.02.2014
25.07.2015
16.07.2016
04.02.2017
21.07.2018
09.02.2019
01.08.2020
24.07.2021
05.02.2022
29.07.2023
20.07.2024
08.02.2025
25.07.2026
17.07.2027
05.02.2028
21.07.2029
09.02.2030
|
