2019 წლის 14 აპრილს მთელმა ქრისტიანულმა სამყარომ აღნიშნა ბზობა, ქრისტეს შესვლა იერუსალემში. სომეხთა სამოციქულო მართლმადიდებელი წმინდა ეკლესიის საქართველოს სომეხთა ეპარქიის მოქმედ ეკლესიებში დღესასწაულთან დაკავშრებით ჩატარდა წმინდა და უკვდავი ლიტურგია.  
ბზობის წინა შაბათ დღეს ჩატარდა წინასადღესასწაულო, გადაიწია საკურთხევლის ფარდები.  
დილიდან ხალხმრავალი იყო თბილისის საკათედრო სურბ გევორგ და სურბ ეჯმიაწინ ეკლესიების ეზოები და გარშემო. მორწმუნეები მაღალი განწყობით მოდიოდნენ, რომ გამხდარიყვნენ მონაწილენი იესო ქრისტეს იერუსალემში შესვლის სიხარულისა.
მორწმუნეებით სავსე ეკლესიებში დილის ჟამნობის შემდეგ ჩატარდა წმინდა და უკვდავი ლიტურგია. სურბ გევორგ საკათედრო ტაძარში წმინდა ლიტურგია ჩატარდა საქართველოს სომეხთა ეპარქიის ყოვლადუსამღვდელოესობა  ეპისკოპოსის, ვაზგენ მირზახანიანის საპატიო მონაწილეობით.  
წმინდა ლიტურგიაზე უწმინდესმა მამამ იქადაგა ბზობის საიდუმლოებისა და დღესასწაულის სულიერი მოძღვრების შესახებ. მორწმუნეებისთვის იესო ქრისტეს მიწიერი ცხოვრების ბოლოს განცდილი წამების შეხსენებით, ეპარქიალურმა წინამძღვარმა მოუწოდა მათ, რომ გააგრძელონ ცხოვრება ბზობის დღის სადღესასწაულო განწყობით, სიყვარულით, რწმენით და სითბოთი, განდევნონ შიში, სიმარტოვე და იცხოვრონ ქრისტეთი,  რადგან  ჩვენი მშველელი ყველგან ჩვენს სულებშია თავისი სიყვარულით და ძალით. უწმინდესმა დიდად შეაფასა ის, რომ საქართველოს სომეხთა ეპარქიის მორწმუნე საეკლესიო დღესასწაულებს აღნიშნავს მთავარი საკათედროს სურბ ეჯმიაწინის კალენდრით,  რითაც ინარჩუნებს თავის ვინაობას.
ეკლესიის საკურთხეველი მორთული იყო ტირიფისა და პალმის ხის ტოტებით, რომლებიც აღნიშნავენ დღესასწაულის განსხვავებულ ზეიმურობას. მაკარ ეკმალიანის ჯგუფის გალობით, უწმინდესის თავმჯდომარეობით, სასულიერო და დიაკვანთა დასის მონაწილეობით აკურთხეს ტოტები და დაურიგეს ხალხს.
ბზობის დღესასწაული წლების წინ უწმინდესისა და უნეტარესის ყოველთა სომეხთა კათოლიკოსის გარეგინ მეორის მიერ გამოცხადებულ იქნა ბავშვების კურთხევის დღედ.
წმინდა ლიტურგიისას ეკლესიებში მღვდლების მიერ ჩატარდა ბავშვების კურთხევის ცერემონია.
ბზობის დღეს ხალხმრავაი იყო ბათუმის სურბ ფრკიჩ ეკლესია. წმინდა ლიტურგიას ესწრებოდნენ მაღალჩინოსანი სტუმრები, საზოგადოებრივი მოღვაწეები, მრავალი მორწმუნე. მაღალნიჭიერი მღვდლის არარატ გუმბალიანის მიერ ჩატარებულ წმიდნა და უკდავი ლიტურგიის შემდგე აკურთხეს ალექსანდრ მანთაშიანც ცენტრის მოწაფეები და ბათუმში მცხოვრები ბავშვები.
ბზობის დღესასწაული წმინდა ლიტურგიით და ბავშვების კურთხევით აღინიშნა ასევე ახალციხის სურბ გრიგორ ლუსავორიჩ, ახალქალაქის სურბ ხაჩ, ნინოწმინდის სურბ სარგის ეკლესიებში, რუსთავის სურბ გრიგორ ლუსავორჩ ცენტრში. თემის სულიერი მწყემსები ეწვივნენ ახალქალაქის, ნინოწმინდის, წალკის, მარნეულის, ბოლნისის, თეთრიწყაროს რაიონების სომხებით დასახლებულ სოფლებს და შეასრულეს მიწის კურთხევა, აკურთხეს დღის აღმნიშვნელი ზეთისხილისა და პალმის ტოტები,  ბავშვები  და სკოლის მოსწავლეები.

ეკლესიებში საღამოს ჟამნობის შემდეგ ჩატარდა კარების გაღების რიტუალი და გადაიწია ეკლესიის ფარდები.