მაღალმთიანი ჯავახეთის ქალაქ ნინოწმინდაში ზამთარი დადგა, არემარე თოვლით დაიფარა. ისეთი შთაბეჭდილება იყო, რომ ამინდი დაბრკოლებას შეუქმნიდა ახალადაშენებული კულტურულ-საგანმანათლებლო და ახალგაზრდული ცენტრის საზეიმო გახსნას. მაგრამ ეს მხოლოდ მოჩვენებითი იყო ....

30 ნოემბერს ნინოწმინდაში სადღესასწაულო განწყობა სუფევდა. აქ ბევრი სტუმარი იყო ჩამოსული თბილისიდან, საქართველოსა და სომხეთის სხვადასხვა რაიონებიდან, მიმდებარე სოფლებიდან. დღე დაიწყო ადგილობრივ სურბ სარგის ეკლესიაში წმიდა მოციქულების - თადეოსისა და ბართლომეს, დღესასწაულისადმი მიძღვნილი დილის ღვთისმსახურებით. ცერემონიას ესწრებოდნენ: საქართველოში სომხეთის რესპუბლიკის საგანგებო და სრულუფლებიანი ელჩი ბატონი ჰოვანეს მანუკიანი, სრ დიასპორის მინისტრის მოადგილე სერჟ სრაპიონიანი და კავკასიის რეგიონის ქვეყნების განყოფილების გამგე ტარონ შაგოიანი, პოეტი-მთარგმნელი გივი შაჰნაზარი, საქართველოს სომეხთა ეპარქიის ეგიდით მოქმედი შემოქმედებითი კავშირების ხელმძღვანელები. წმიდა ცერემონია აღსრულდა საქართველოს სომეხთა ეპარქიის წინამძღვრის ეპისკოპოს ვაზგენ მირზახანიანის საპატიო წინამძღვრობით, და ჯავახეთის საერთო ეპარქიალური ვიკარიატის ვიკარიუსის არქიმანდრიტ ბაბგენ სალბიანის, ნინოწმინდის სულიერი მოძღვრის მღვდელ არმაშ პოღოსიანისა და ახალქალაქის სულიერი მოძღვრის მღვდელ ტათევ მარუქიანის მონაწილეობით.

ღვთისმსახურების შემდეგ შეკრებილები გაემართნენ ნინოწმინდის ახალადაშენებული ცენტრისკენ.

ცენტრის საზეიმო გახსნის ცერემონიაზე გამოვიდა საქართველოს სომეხ მწერალთა „ვერნატუნ“ კავშირის თავმჯდომარე გევორგ სნხჩიანი. მან ისაუბრა ცხონებულ რაფაელ ღარსლიანის ცხოვრებაზე. რაფაელ ღარსლიანი თავის შემოქმედების პერიოდშივე მკითხველს წარუდგა ლექსებისა და პროზაული ნაწარმოებების ხუთი კრებულით. გამომსვლელმა მაღალი შეფასება მისცა არმენ ღარსლიანისა და მისი ძმის თათულ ღარსლიანის ქველმოქმედებას და ცენტრის, მათი ბიძის - რაფაელ ჯავახქის, სახელით წოდებას.

საქართველოში სრ საგანგებო და სრულუფლებიანმა ელჩმა ჰოვანეს მანუკიანმა გამოსვლაში ისაუბრა კულტურის, ენისა და რწმენის ფუნდამენტურ როლზე ერის იდენტობის ჩამოყალიბებაში. მან მაღალი შეფასება მისცა კულტურის სახლის ფუნქციას ეროვნული იდენტობის შენარჩუნების საქმეში და ამ ფუნქციაში საქართველოს სომეხთა ეპარქიის მისიას.

სრ დიასპორის მინისტრის მოადგილემ სერჟ სრაპიონიანმა დამსწრეებს გადასცა დიასპორის მინისტრის ქალბატონ ჰრანუშ ჰაკობიანის მისალმება, მაღალი შეფასება მისცა ძმები ღარსლიანების ქველმოქმედებას და განსაკუთრებით სომხეთს გარეთ მსგავსი დაწესებულებების, როგორც სომხური იდენტობის შენარჩუნების ოჯახების, აშენებას. მან დიდი მნიშვნიელობა მიანიჭა სომხურ-ქართულ კულტურულ კავშირებს, რაც მომდინარეობს ჩვენი ერთიანი ქრისტიანული ფესვებიდან და მიდის საუკუნეების სიღრმეში.

ნინოწმინდის რაიონის გამგეობის თავმჯდომარე გაგიკ ღარსლიანი ადგილობრივი ხელისუფლების სახელით დახვდა სტუმრებს და დამსწრეებსა და ქველმოქმედ ღარსლიანებს მიმართა მისალოცი სიტყვით. მან თავისი მხარდაჭერა გამოუცხადა ყველა იმ ინიციატივას, რომელიც მიმართულია განათლების, კულტურისა და ახალგაზრდობის აღზრდისკენ.

საქართველოს სომეხთა ეპარქიის წინამძღვარმა ეპისკოპოსმა ვაზგენ მირზახანიანმა მაღალი შეფასება მისცა იმ ადამიანთა მოღვაწეობას, ვინც ქველმოქმედებითაა დაკავებული, კერძოდ კი ძმები ღარსლიანების შემოწირულობით საავადმყოფოსა და ეკლესიის სახურავის სარემონტო სამუშაოების შესრულებას და აღნიშნული კულტურის სახლის აშენებას. წინამძღვარმა აღნიშნა ასევე სხვა ქველმოქმედები: მანთაშოვის თაობის წარმომადგენლები, ღონისძიების დამსწრე სოს საჰაკიანი, არამ სანოსიანი, სამველ აღეკიანი და სხვები, რომელთა ქველმოქმედებით აშენდა და შენდება ცენტრები, სადაც სუფევს სულის სითბო, ისმის ღვთის სიტყვა, სადაც თაობებს ასწავლიან ჩვენს ენასა და ისტორიას, კულტურასა და ხელოვნებას.

ეპარქიის წინამძღვარმა მაღალი შეფასება მისცა და მისი კურთხევა გადასცა ჯავახეთის საერთო ეპარქიალური ვიკარიატის სულიერ მსახურთა კეთილ საქმიანობას და ქების სიტყვები უთხრა საქართველოს სომეხთა ეპარქიის სამცხე-ჯავახეთის საერთო ეპარქილური ვიკარიატის ვიკარიუსს არქიმანდრიტ ბაბგენ სალბიანს. შემდეგ საჩუქარი გადასცა ძმებს არმენ და თათულ ღარსლიანებს.

ნინოწმინდის მოსახლეობის სახელით  მადლობის სიტყვა თქვა და „ჰაიარტუნ“ ცენტრს მისი წიგნი აჩუქა ადგილობრივმა მწერალმა მაქსიმ არზუმანიანმა. რაფაელ ღარსლიანის ლექსები წაიკითხეს ახალგაზრდული სახლის კლასგარეშე მხატვრული კითხვის წრის (ხელმძღვანელი: სათენიკ სნხჩიანი) წევრებმა ლარისა ნანაიანმა, ანი და ლილით მკრტჩიანებმა.

ნინოწმინდის რაფაელ ჯავახქ ღარსლიანის სახელობის კულტურულ-საგანმანათლებლო და ახალგაზრდული ცენტრის გახსნის ლენტი გაჭრეს ქველმოქმედმა არმენ ღარსლიანმა და არქიმანდრიტმა ბაბგენ სალბიანმა. საქართველოს სომეხთა ეპარქიის წინამძღვრის ეპისკოპოს ვაზგენ მირზახანიანის და ჯავახეთის საერთო ეპარქიალური ვიკარიატის ვიკარიუსის არქიმანდრიტ ბაბგენ სალბიანის მიერ შესრულდა კარის გახსნის კურთხევის წესი.

ნინოწმინდის რაფაელ ჯავახქ ღარსლიანის სახელობის კულტურულ-საგანმანათლებლო და ახალგაზრდულმა ცენტრმა თავისი პირველი სტუმრები მიიღო თბილისელი სომეხი მინიატურისტების - გოჰარ ჰაკობიანისა და მერუჟან შაჰუმიანის, ნინოწმინდიდან ჰამლეტ აროიანის, პაპა-ჰმაიაკ გრიგორიანის და შვილიშვილ-ჰმაიაკ გრიგორიანის და ახალქალაქიდან ჰაიკაზუნ ღარაგულიანისა და სერგეი უნანიანის ნამუშევართა გამოფენით.

ნინოწმინდაში საზეიმო დღის ღონისძიებები გაგრძელდა ადგილობრივ კულტურის სახლში. სრ დიასპორის მინისტრის მოადგილემ სერჟ სრაპიონიანმა საქართველოს სომეხ მწერალთა „ვერნატუნ“ კავშირის წევრს ჯავახეთიდან - ალბერტ ისოიანს, გადასცა სრ დიასპორის სამინისტროსა და მხითარიანთა ძმობის მედალი „ჰაკობ მეღაპარტ“, საქართველოს სომეხთა ეპარქიის პრეს სამსახურის უფროსი სუსანა ხაჩატრიანი კი დააჯოლდოვა სიგელით.

საქართველოს სომეხთა ეპარქიის "ჰაიარტუნ" ცენტრის კოორდინატორის ლევონ ჩიდილიანის, სამხატვრო ხელმძღვანელის პაველ ოგანეზოვის და ტექნიკური ნაწილის კოორდინატორის ვალერი ბადალიანის ძალისხმევითა და თბილისიდან ჩამოსული საქართველოს სომეხთა ეპარქიის "ჰაიარტუნ" ცენტრის „ჯეირან“ ქორეოგრაფიული ანსამბლის (ქორეოგრაფი: სვეტლანა ერიციანი), ინდივიდუალური შემსრულებლების - ანი ღუშჩიანის, ანა პოღოსოვას, ნინა კარაპეტიან-გევორკოვას, დიანა მოვსესიანის, ჰენრიხ პეტროსიანის, ვანო მკრტჩიანის (დუდუკი), ნინოწმინდის „გუგარქ“ და „ფარვანა“ ეთნოგრაფიული ანსამბლების (ხელმძღვანელები: ლუსინე მზიკიანი, სევაკ ბდოიანი და ზეფიურ ღარსლიანი) და მედოლეთა ჯგუფის (სარო ღარსლიანი) მონაწილეობით გაიმართა კონცერტი.