უკვე 2 წელია ჯავახეთის საერთო ეპარქიალურ ვიკარიატთან მოქმედებს სარეაბილიტაციო ცენტრი, სადაც კვირაში სამჯერ ბავშვებს სპეციალური გაკვეთილები უტარდებათ. ბავშვთა დაცვის საერთაშორისო დღე ორმაგად სადღესასწაულო იყო სარეაბილიტაციო ცენტრის აღსაზრდელთათვის.

მათ   მონაწილეობა მიიღეს სადღესასწაულო ღონისძიებაში, ასევე ზოგიერთი მათგანი დღეს გახდა სომეხთა სამოციქულო ეკლესიის მიმდევარი. ჯავახეთის საერთო ეპარქიალურმა ვიკარიუსმა არქიმანდრიტმა ბაბგენ სალბიანმა და მღვდელმა ტათევ მარუქიანმა მონათლეს ცენტრის 4 აღსაზრდელი. მშობლები და მოსანათლი ბავშვები ვერ მალავდნენ ღელვას.

არქიმანდრიტმა ბაბგენმა მიულოცა მონათლულებს და მათ მშობლებს, ლოცვა აღავლინა და   უფალს შეევედრა, რომ შეიფაროს ბავშვები და მათ ჯანმრთელობა და მშვიდობიანი ბავშვობა უბოძოს.