2014 წლის 25 თებერვალს სომეხთა სამოციქულო მართლმადიდებელი წმიდა ეკლესიის საქართველოს ეპარქიაში შედგა რელიგიური საბჭოს ლიდერთა შეხვედრა, მისი ყოვლადუსამღვდელოესობის ეპისკოპოს ვაზგენ მირზახანიანის თავმჯდომარეობით. შეხვედრაში მონაწილეობდნენ ამიერკავკასიის ლათინური წესის კათოლიკეთა სამოციქულო ადმინისტრატორი მისი ყოვლადუსამღვდელოესობა ეპისკოპოსი ჯუზეპე პაზოტო, საქართველოს ევნაგელისტურ-ლუთერანული ეკლესიის წინამძღოლი მისი ყოვლადუსამღვდელოესობა ეპისკოპოსი  ჰანს-იოახიმ კიდერლენი, საქართველოს ევანგელურ-ბაპტისტური ეკლესიის პრეზიდენტი ეპისკოპოსი მერაბ გაფრინდაშვილი და საქართველოს ევანგელურ-ბაპტისტური ეკლესიის ეპისკოპოსი მისი ყოვლადუსამღვდელოესობა მალხაზ სონღულაშვილი.

შეხვედრაზე განიხილეს საკითხები, რომლებიც უკავშირდება საბჭოთა პერიოდში რელიგიური თემებისთვის მიყენებული ზიანის ანაზღაურების მექანიზმს, და ასევე რელიგიურ საქმეთა სახელმწიფო სააგენტოს საკითხები.

რელიგიურმა ლიდერებმა მიიღეს გადაწყვეტილება, რეკომენდაციებით მიმართონ საქართველოს პრემიერ-მინისტრს, იმ პირთან დაკავშირებით, რომელმაც უნდა უხელმძღვანელოს სააგენტოს, აგრეთვე მიმართონ საქართველოს ხელისუფლებას თხოვნით, რომ განიხილოს ყველა იმ რელიგიური ორგანიზაციისათვის, რომლებსაც მიეყენა ზიანი, პროპორციულობის პრინციპის დაცვით, თანხების პროპორციული გამოყოფის საკითხი.