23 აპრილს ნინოწმინდის „სურბ სარგის“ ეკლესიაში საქართველოს სომეხთა ეპარქიის წინამძღვრის ეპისკოპოს ვაზგენ მირზახანიანის საპატიო წინამძღოლობით, სამცხე-ჯავახეთისა და წალკის საერთო ეპარქიალური ვიკარიატის ვიკარიუსის არქიმანდრიტ ბაბგენ სალბიანისა და სამღვდელოების მონაწილეობით აღევლინა პარაკლისი, რომელიც მიეძღვნა გენოციდის მსხვერპლთა ხსოვნას. საეკლესიო ცერემონიის შემდგომ პროცესია დაიძრა კულტურის სასახლის მოედნისკენ. აქ დაიდგა სომეხთა დიდი გენოციდის 99-ე წლისთავისადმი მიძღვნილი მემორიალი, რომელიც მომზადდა ადგილობრივი მოქანდაკის არამ ღარსლიანის მიერ, სომეხი ერის პატიოსანი შვილების - არმენ ღარსლიანის, მარტუნ მკოიანის, თათულ ღარსლიანის, ენზელ მკოიანის ქველმოქმედებით.

მემორიალის გახსნისა და კურთხევის ცერემონიალს ესწრებოდნენ საქართველოს პარლამენტის ეთნიკურად სომეხი დეპუტატები, საქართველოს მართლმადიდებელი წმიდა ეკლესიის ახალქალაქისა და კუმურდოს ეპარქიის მიტროპოლიტი მეუფე ნიკოლოზი, რაიონის გამგეობისა და საკრებულოს ხელმძღვანელები, საქართველოს სომხური სათვისტომოს სტრუქტურათა ხელმძღვანელები, სტუმრები ერევნიდან, თბილისიდან, ჯავახეთის სხვადასხვა რაიონებიდან და სოფლებიდან.

ღონისძიების ორგანიზატორის, რაიონის კულტურის განყოფილების ხელმძღვანელის და ადგილობრივი რაფაელ ღარსლიან (ჯავახ) ცენტრის დირექტორის გევორგ სნხჩიანის სიტყვის შემდეგ, მემორიალი გახსნეს საქართველოში სრ საგანგებო და სრულუფლებიანმა ელჩმა ოვანეს მანუკიანმა და რუსეთში მცხოვრებმა ქველმოქმედმა არმენ ღარსლიანმა. საქართველოს სომეხთა ეპარქიის წინამძღვრის ეპისკოპოს ვაზგენ მირზახანიანის, სამცხე-ჯავახეთისა და წალკის საერთო ეპარქიალური ვიკარიატის ვიკარიუსის არქიმანდრიტ ბაბგენ სალბიანისა და სამღვდელოების მონაწილეობით ჩატარდა მემორიალის კურთხევის წესი.

ყველა გამომსვლელმა დაგმო გენოციდი, როგორც დანაშაული კაცობრიობის წინააღმდეგ და მოსარჩელის რისხვით ცივილიზებულ სამყაროს მოუწოდა სომეხთა გენოციდის აღიარება.

ღონისძიების დროს ნინოწმინდის მუსიკალური სკოლისა და კულტურის ცენტრის მოსწავლეების მიერ შესრულდა სიმღერები (კონცერტმაისტერი: ირინა ღარსლიანი) . ღონისძიება დასრულდა სიმღერით „წიწერნაკაბერდ“, რომლის სიტყვებისა და მუსიკის ავტორია გევორგ სნხჩიანი. სულიერი მამების ლოცვის თანხლებით, დამსწრეებმა ყვავილებით შემაკეს მემორიალი.