2017 թվականի հունիսի 23-ին, Վիրահայոց թեմի Բաթումի «Ալեքսանդր Մանթաշյան» կրթա-մշակութային և երիտասարդական կենտրոնում կայացավ 2016-2017 ուսումնական տարվա հաշվետու հանդեսը:

2017 թվականի հունիսի 22-ին, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը, ուղեկցությամբ Թեմի մշակույթի բաժնի տնօրեն և «Հայարտուն» կենտրոնի ղեկավար Լևոն Չիդիլյանի, թեմի կրթության բաժնի տնօրեն և «Սուրբ Մովսես Խորենացի» նախակրթարանի ղեկավար Եվգենյա Մարկոսյանի և թեմի վարչա-տնտեսական բաժնի տնօրեն Կարեն Երիցյանի, եռօրյա այցով մեկնեց Աջարիա՝ հանդիպելու Բաթումի հայ համայնքի հավատացյալների և պետական պաշտոնեության հետ:

2017 թվականի հունիսի 20-ին, Թբիլիսիի Վարդերի այգում կայացավ միջոցառում՝ նվիրված փախստականների միջազգային օրվան: Այն կազմակերպել էր Վրաստանի ՄԱԿ-ի ասոցիացիան և փախստականների ինտեգրման «Բաց տուն» կենտրոնը:

2017 թվականի հունիսի 19-ին մեկնարկեց Ջավախքի երեխաների ամառային հանգիստը Հայաստանի Հանրապետությունում: Արդեն 4-րդ տարին Սամցխե-Ջավախքի և Ծալկայի ընդհանուր առաջնորդական փոխանորդության և ՀՀ տարածքային կառավարման նախարարության համատեղ ջանքերով տարածաշրջանի երեխաներն իրենց ամառային հանգիստն անց են կացնում Կոտայքի մարզի Հանքավանի գեղատեսիլ ճամբարներում։ Ախալքալաքի, Ախալցխայի, Նինոծմինդայի, Ծալկայի տարածաշրջաններից և Դամալայից թվով 100 երեխաներ Ախալքալաքի և հարակից գյուղերի հոգևոր հովիվ Արժանապատիվ Տեր Տաթև քահանա Մարուքյանի ուղեկցությամբ ժամանեցին Արագած ճամբար, որտեղ նրանց սպասում էին Երևանից և Գյումրիից եկած իրենց հասակակիցները։