2017 թվականի մայիսի 29-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ վրացական պոեզիայի հայերեն անթոլոգիայի շնորհանդեսը:  Միջոցառմանը  ներկա էր  համահեղինակ, Հայաստանի գրողների միության անդամ, բանաստեղծ, թարգմանիչ Գագիկ Դավթյանը:

2017 թվականի մայիսի 28-ին  տոնական տրամադրություն էր տիրում թբիլիսահայության շրջանում: Մարդիկ շտապում էին Թբիլիսիի հինավուրց Մեյդան թաղամաս՝ Սուրբ Գևորգ առաջնորդանիստ եկեղեցի՝ մասնակցելու տոնական օրվան նվիրված Սուրբ և  անմահ Պատարագին:  

2017 թվականի մայիսի 25-ին Հայ Առաքելական Սուրբ Եկեղեցին նշեց մեր Տեր Հիսուս Քրիստոսի համբարձման տոնը: Այս տոնին հիշատակվում է 1441 թվականին Ամենայն Հայոց Կաթողիկոսության Աթոռը Սիս քաղաքից Մայր Աթոռ Ս. Էջմիածին փոխադրելու պատմական օրը: Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի տնօրինությամբ այս տոնը հռչակվել է նաև Սուրբ Էջմիածնի ուխտի օր:
Տոնի կապակցությամբ Մայր Աթոռ էին ժամանել Հայոց Եկեղեցու հայաստանյան թեմերի առաջնորդները և բազում ուխտավորներ:

2017թ. մայիսի 28-ը  հայ ժողովրդի համար կրկնակի  տոնական  էր: Օրը ներառնում էր  Երկրորդ Ծաղկազարդը, ասինքն՝ Երկնքում  հրեշտակների կողմից Հիսուս Քրիստոսին դիմավորելը և Հայաստանի առաջին հանրապետության հռչակման 99-րդ տարեդարձը: Բաթումում   տոնը սկսվեց  Սուրբ Փրկիչ  եկեղեցում տեղի հայության հոգևոր հովիվ  արժանապատիվ Տեր Արարատ քահանա Գումբալյանի կողմից  մատուցած  կիրակնօրյա Սուրբ և Անմահ Պատարագով և այնուհետև հոգևոր դասի մասնակցությամբ  Հանրապետական աղոթքով: