«Տոլմայի փառատոն 2015» հայերեն և վրացերեն լեզուներով ցուցապաստառը հայկական տոլմա համտեսելու էր հրավիրում բոլորին: Վրաստանի հայ կանանց «Շուշանիկ» միության նախաձեռնությամբ, Վիրահայոց թեմի հովանավորությամբ, «Հայարտուն» կենտրոնի և անհատ բարերարների աջակցությամբ, 2015 թվականի հունիսի 28-ին, Թբիլիսիի Սբ. Էջմիածին եկեղեցու բակում տեղի ունեցավ «Տոլմա-2015» փառատոնը:

Վիրահայոց թեմի «Հայարտուն» կենտրոնի Գալուստ Գյուլբենկյան սրահում, 2015 թվականի հունիսի 27-ին, կայացավ կենտրոնի դուդուկի (ուսուցիչ՝ Իվանե Մկրտչյան), դհոլի (ուսուցիչ՝ Ռոբերտ Կաշավանիձե) և ասմունքի (դերասան՝ Սամվել Էլբակյան) խմբակների բաց դասը: Նպատակը մեկն էր՝ Թեմի պաշտոնեությանը, հյուրերին և ծնողներին ցույց տալ խմբակների սաների ձեռք բերածը մեկ տարվա պարապմունքների ընթացքում:

Սույն թվականի հունիսի 27-ին, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը Թբիլիսիի Պատրիարքարանում հանդիպեց Վրաց Ուղղափառ Եկեղեցու հովվապետ Իլիա Երկրորդի հետ:: Սրբազան Հայրը Նորին Սրբությանը փոխանցեց Ամենայն Հայոց կաթողիկոս Գարեգին Երկրորդի ցավակցական նամակը՝ հունիսի 14-ին Թբիլիսիում տեղի ունեցած ջրհեղեղի հետևանքների և մարդկային զոհերի կապակցությամբ և հաղորդեց Հայոց Վեհափառի բարեմաղթանքները Վրաց հովվապետին ու Համայն Վրաստանին:

2015 թվականի հունիսի 26-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում, տեղի ունեցավ «Սբ.Մովսես Խորենացի» նախակրթարանի 2014-2015 ուսումնական տարվա շրջանավարտների հրաժեշտի ցերեկույթը: Գույնզգույն փուչիկներով զարդարված դահլիճի կենտրոնում հպարտորեն բազմել էին հայկական ազգային տարազով զուգված ավագ խմբի սաները: