Վիրահայոց թեմի երիտասարդական բաժնի գործունեության ուղղություններից մեկը Վրաստանի պատմա-մշակութային և հոգևոր կոթողներին հայ երիտասարդության ծանոթացումն է: Ճանաչողական այցի առաջին ուղղություն էր ընտրվել Կախեթի տարածաշրջանը:

2016 թվականի մարտի 6-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում տեղի ունեցավ «Միխայիլ Լորիս-Մելիքով. մեծ հայն ու անպարտելի զորավարը» տեսաֆիլմի և «Էրգրի կարոտով» գրքի շնորհանդեսը:

2016 թվականի մարտի 5-ին, Երկրապահի օրվա առիթով, Թբիլիսիի Սուրբ Էջմիածին եկեղեցում, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի նախագահությամբ, կատարվեց հոգեհանգստյան կարգ երջանկահիշատակ սպարապետ Վազգեն Սարգսյանի և 1988-ից մինչև 1994 թվականը Հայաստանի և Արցախի ինքնապաշտպանության համար նահատակված երկրապահ կամավորականների հոգիների խաղաղության համար:

2016 թվականի մարտի 5-ին, Սեբաստացի սուրբ քառասուն մանկանց հիշատակության օրը, Թբիլիսիի Հավլաբարի Սուրբ Էջմիածին եկեղեցում, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի հանդիսապետությամբ մատուցվեց Սուրբ Պատարագ: