2017 թվականի ապրիլի 7-ին, թբիլիսահայ 80-ից ավելի հավատացյալներ, մայրաքաղաքի Սուրբ Էջմիածին եկեղեցուց ուխտի մեկնեցին Վիրահայոց թեմի Քվեմո Քարթլիի տարածաշրջանի Շահումյանի Սուրբ Աստվածածին եկեղեցի:

2017 թվականի ապրիլի 6-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ Թեմի «Սուրբ Մովսես Խորենացի» նախակրթարանի հանապազօրյա հացի, ի մասնավորի հայկական  լավաշի մեծարմանը նվիրված տոնահանդես: Դահլիճը զարդարված էր օրվա խորհրդին համապատասխան: Կազմակերպիչների հարուստ երևակայության  արդյունքում տեսանելի էին դարձել հայկական լավաշի պատրաստման բոլոր փուլերը: Ազգային տարազներով զուգված փոքրիկները  մեծերի նմանությամբ  հմտորեն ցույց էին տալիս լավաշի թխման ողջ ընթացքը, ներկաներին տեղափոխելով տոնահանդեսի խորհրդի մեջ:

2017 թվականի ապրիլի 2-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում բացվեց պոլսահայ ժամանակակից լուսանկարիչ Նուրան Աքքայայի «Հայերը Թուրքիայում» խորագրով նկարների ցուցահանդեսը:

2017 թվականի ապրիլի 2-ին, Մեծ Պահքի Գալստյան կիրակիին, Վիրահայոց թեմի եկեղեցիներում մատուցվեց Սուրբ և Անմահ Պատարագ: